網紅的藏寶箱梧：有朋友問在下——不如寫下華融爆煲？
哦，咁咪寫小小囉。
華融嘅history在下就唔寫太多了——佢本身係靠食工行D壞賬起家，朱鎔基年代一次，工行上市之前一次。當年國有四大銀行要股改黎香港上市但係壞帳率過高，所以每間行就有對應一間嘅bad bank專食壞賬，而華融就係工行嘅bad bank……其餘個三間係信達、長城同東方（在下稱之為四大垃圾筒，因為佢地literally係靠食垃圾起家的），想知道個歷史就自己去wiki查資料啦屌。
原本呢四間bad bank嘅壽命定左係10年，但係10年之後，又唔好就咁摺左佢，咁就轉型做Asset Management。
華融2015年黎香港上市，但係佢地IPO之前買左993，即係當年張德熙嘅天行國際。為咩？張德熙當年都玩唔少細價股，咁攞晒天行D license，你話呢？
有人會問，華融點賺錢？一間主要業務係manage爛數asset嘅公司，屌咁爛數by nature就係難收，所以佢地轉型玩asset management之後，主要業務就係做大耳窿、炒樓，證券呀，乜撚都有，and in HK's case，玩細價股。
佢地呢D公司其中一條winning formula就係玩regulatory arbitrage——因為大股東係大6嘅財政部，所以佢地發嘅債息低到嚇撚死你（coupon係講緊3-5厘only），同埋佢地發債唔係一百幾十億人仔咁發，係幾百億美記歐羅咁發。
當年佢地玩細價股都玩得癲，在下有一個曾經係入面做過（走左好耐）嘅朋友話，有段時間佢地係個鱷魚潭入面最大嘅殼股玩家（話仲勁過金利豐添）。當然啦，當年仲有人話華融借左200球美記比漢能過不被否認。
賴小民2018年落馬之後，David Webb都有叫人唔好買華融系嘅股票（「迷網26」）。2019年華融（2799）總資產1萬7千億人仔，執14億net profit……
好啦，兩年後嘅而家，疑似爆煲（因為delay左results announcement所以停緊牌），阿爺會唔會救？首先，呢D資產公司唔同銀行，唔係systemically important，就算債務重組，好多人都識講，基本上haircut就走唔甩的。其次，你唔爆煲，阿爺點樣整頓換自己友上去呢？
Bad bank爆煲，咪整多間bad bad bank囉，無限復活。
Search